2021 оны 12 сарын 14-ний өдөр                            Дугаар А/967                                                      Улаанбаатар хот

 

 

 

 

 

 

Ажлын хэсэг байгуулах тухай

 

 

       Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.2 дахь хэсэг, Хот суурин газрыг дахин хөгжүүлэх тухай хуулийн 11 дүгээр зүйлийн 11.1.1 дэх заалтыг тус тус үндэслэн ЗАХИРАМЖЛАХ нь:

 

        1.Нийслэлийн төсвийн хөрөнгөөр Баянзүрх дүүргийн 8, 12, 13, 14, 16 дугаар хороодын нутаг дэвсгэрт хийгдэж байгаа цахилгааны кабель угсрах ажлын хүрээнд Дүнжингарав худалдааны төвийн эзэмшил газар болох авто зогсоолыг дайрсан трассын асуудлыг шийдвэрлэх, санал, дүгнэлт боловсруулах үүрэг бүхий ажлын хэсгийн бүрэлдэхүүнийг хавсралтаар баталсугай.

 

       2.Ажлын хэсгийн үйл ажиллагааг холбогдох хууль тогтоомж, дүрэм, журамд нийцүүлэн зохион байгуулж, явц, үр дүнг тухай бүр танилцуулж ажиллахыг Ажлын хэсгийн дарга (Б.Сүхбаатар)-д даалгасугай.

 

 

 

 

 

                                          НИЙСЛЭЛИЙН ЗАСАГ ДАРГА

                                          БӨГӨӨД УЛААНБААТАР ХОТЫН

                                          ЗАХИРАГЧ                                             Д.СУМЪЯАБАЗАР